Mirë se erdhe Vizitor

Category: Shpikje

23/11/2021 nga Joer.al 0 Komente

Gjergji Shaska, shqiptari që është pjesë e projektimit të Hummer-it elektrik

Pozicioni i Gjegj Shaska  në General Motors është Electrification System Architect. Specialiteti i tij është në projektimin e Electric Powertrain, që përfshin Lithium-Ion bateri dhe transmisionin elektrik. Në një makinë të zakonshme, këto pjeseë janë Motori dhe Transmisioni. Gjergji është përgjegjës për sistemet e kontrollit dhe integrimit në makinë të baterisë dhe motorave elektrikë. Hamer EV ka një bateri prej 200 kWh, që me një karikim, ka një autonomi prej më shumë se 550 km. Gjithashtu ka dy motora elektrikë mbrapa dhe një përpara që së bashku i japin një fuqi prej 1000 hp. Hamer EV arrin shpejtesinë 0-100 km/orë në më pak se 3 sekonda. Është një makinë e mrekullueshme dhe ndihem shumë krenar që jam pjesë e grupit të inxhinierëve që e kanë projektuar. Vetë Presidenti i SHBA-së, Joe Biden,  ka bërë një xhiro me një veturë Hummer elektrik.

Në një intervistë të dhënë për media shqiptare, Gjergji ka dhënëmesazh për të rinjtë shqiptarë:

Nëse keni dëshirë të krijoni një të ardhme të suksesshme në Amerikë, mundësia më e mirë është shkollimi në degët e inxhinierisë elektronike dhe informatikës. E ardhmja është në teknologji dhe këto do të jenë degët më të kërkuara në të ardhmen në Amerikë

19/11/2021 nga Joer.al 0 Komente

Kush e shpiku biçikletën?

Në qershor të vitit 1817, doli një mjet me dy rrota që do të ndryshonte përgjithmonë botën e transportit (dhe më gjerë). Por cila është historia dyqindvjeçare e biçikletës?

Biçikleta është 204 vjeçe, në fakt në 2017-ën ajo ka shuar dyqind qirinjtë e parë dhe kështu feston një histori magjepsëse që ka ndryshuar vetë konceptin e udhëtimit në rrugë. Që nga dita kur u shpik, biçikleta është futur dalëngadalë në jetën tonë të përditshme, duke u bërë objekt i përdorimit të përbashkët në të gjitha vendet e botës.

Po kush është origjina?

Përfaqësimi i parë i një automjeti që i ngjan biçikletës moderne mund të gjurmohet, si gjithmonë kur përfshihen shpikjet, tek i madhi Leonardo Da Vinci.
Në një nga vizatimet e tij të vitit 1490 që gjendet në Codex Atlanticus, që ka një “makinë” me dy rrota, një bosht druri që i mban ato së bashku, një timon dhe një lloj zinxhiri që lidh pedalet me rrotën e pasme.

Si zakonisht, Leonardo e kishte parë mirë, por shpikja e një biçiklete të aftë për t’u përdorur nuk arriti deri në qershor 1817 falë baronit gjerman Karl von Drais.

Babai i biçikletës moderne!

Shpikja e Baronit u quajt Laufmachine (fjalë për fjalë: “makinë garash”). Në Francë, kjo biçikletë primitive u quajt, për nder të shpikësit të saj, “draisienne”. Në Itali, megjithatë, automjeti i ri u shfaq në Milano në 1819 me emrin draisina.

Biçikleta e parë në Shkodër, në qytetin e biçikletave.

Ishte viti 1907 kur konsulli i nderit i Suedisë në Shkodër, solli një biçikletë, por e pati mjaft të vështirë të pedalonte në Shkodër, sepse edhe vetë doganierët nuk e njihnin “atë soj hallati” siç e cilësonin asokohe. Por nëse asokohe pakkush e njihte biçikletën si mjet lëvizës, tanimë mund të thuhet se biçikleta është pjesë e pandarë e çdo familje shkodrane. Aq sa mund të thuhet se Shkodra lë pas dhe disa nga qytetet e Europës Perëndimore për frekuencën e përdorimit të biçikletës.